На 7 ноември 2024 година, се одржа првата округла маса посветена на алатките за мониторинг и евалуација на Националната Развојна Стратегија (НРС) 2024-2044. Овој настан го водеше проф. д-р Александар Стојков, а воведно се обрати генералниот секретар на Владата на Република Северна Македонија, г-дин Игор Јанушев.

На почетокот на дискусијата, г-дин Јанушев ја истакна важноста на следењето и евалуацијата на процесот на имплементација на стратегијата, која е клучна за обезбедување фискална одржливост, транспарентност и партнерство помеѓу сите институции и сектори кои ќе бидат вклучени во овој процес. Со вклучување на сите релевантни институции и сектори, целта е да се создаде систем за постојана анализа и подобрување на напредокот.

Алатките за мониторинг и евалуација не само што ќе обезбедат јасност и структура, туку ќе создадат и механизми за идентификување на предизвиците, што е неопходно за успешен развој и спроведување на стратегијата.

На настанот присуствуваа и неколку значајни говорници, меѓу кои и д-р Николче Јанкуловски, заменик министер за финансии, Н.Е. г. Хенрик Маркуш, амбасадор на Република Словачка во Република Северна Македонија, и г-ѓа Ана Чернишова, заменичка на Постојаниот претставник на УНДП во Северна Македонија.

Генералниот секретар истакна дека со донесувањето на Националната Развојна Стратегија 2024-2044 и Програмата за спроведување на НРС 2024-2028 на 29 октомври 2024 година, започнува сериозен процес на имплементација. Во овој контекст, следењето и евалуацијата на напредокот ќе играат клучна улога, со цел обезбедување ефективност и одговорност во процесот.

На настанот се дискутираше за значењето на транспарентноста во процесот на следење и евалуација, се нагласи дека овие механизми создаваат доверба меѓу сите засегнати страни и заедници, како и важноста од јасно дефинирање на одговорностите на различните институции во овој процес.

Првата округла маса е значаен чекор во започнувањето на процесот за следење и евалуација на Националната Развојна Стратегија, кој ќе продолжи да се развива и усогласува со новите реалности и предизвици во текот на неговата имплементација.

На крајот, се изрази благодарност за поддршката на УНДП, Министерството за финансии на Република Словачка, Амбасадата на Обединетото Кралство и оперативната структура на Генералниот секретаријат за нивната континуирана поддршка во создавањето и спроведувањето на Националната Развојна Стратегија.

Вклучете се!

Поставки за колачиња

Прилагодете ги колачињата

Задолжителни колачиња

Аналитички колачиња